Një Nëntor për të Mbajtur Mend: 13,500 Toptha me fara, 291 Ndryshimtarë:
Në Sustainability Leadership Kosova (SLK), ne ëndërrojmë fuqishëm—dhe këtë nëntor, Projekti Green Wings dëshmoi se ëndrrat e kombinuara me veprime mund të krijojnë ndikim të vërtetë. Me 13,500 toptha me fara apo “seed bombs” të krijuara, 291 vullnetarë të përfshirë dhe mbjelljen e parë ajrore, e cila është bërë për herë të parë në Kosovë, ky udhëtim ishte vërtet frymëzues (dhe me shumë baltë).
Gjithçka nisi me punëtoritë për krijimin e topthave me fara, ku gjithsej 291 nismëtarë ndryshimesh u bashkuan për të formësuar dhe krijuar 13,500 toptha me fara, të cilët u krijuan nga një përzierje dheu, komposti dhe fara vendore.
Çdo sesion fillonte me një prezantim të shkurtër nga SLK mbi rëndësinë e pyjeve dhe biodiversitetit. Nga nxënësit deri te profesionistët me përvojë, të gjithë u përfshinë në proces, duke treguar se krijimi i një të ardhmeje më të gjelbër nuk është gjithmonë punë e pastër.Atmosfera u mbajt gjallë me muzikë, vallëzim dhe me gara miqësore: Kush mund të bënte më shumë toptha me fara? Kush i formësonte më bukur?
Më 14 nëntor, misioni u përmbush: 13,500 bomba fara, të gatshme për të fluturuar!
Përgatitja e materialit të topthave
Fluturimi i Gjelbër
SLK bëri histori me mbjelljen e parë ajrore në Kosovë, duke përdorur teknologjinë e dronëve për të shpërndarë topthat në 5 hektarë tokë duke krijuar themelet për një të ardhme më të gjelbër.
Por ky projekt nuk kishte të bënte kurrë vetëm me teknologjinë. Bëhet fjalë për rrënjët e ndryshimit, të frymëzuar nga koncepti i Wood Wide Web - një rrjet nëntokësor rrënjësh dhe kërpudhash që ndajnë burimet dhe nxisin rritjen. Në të njëjtën mënyrë, partneritetet formuan rrënjët e forta të këtij projekti, duke i mundësuar atij të lulëzojë.
Në terren, vullnetarët e çuan përpjekjen një hap më tej me mbjellje manuale guerile, duke mbuluar një hektar shtesë në zonën e Arbërisë. Së bashku, këto përpjekje na çuan në një total prej 6 hektarësh të mbjella, duke transformuar hapësirat e shpyllëzuara në fillime premtuese të një pylli të lulëzuar.
Ne shprehim mirënjohjen tonë të thellë për Kryetarin Përparim Rama, vizioni i të cilit për një Prishtinë më të gjelbër vazhdon të na frymëzojë të gjithëve. Një falënderim i madh shkon gjithashtu për partnerët tanë—Komunën e Prishtinës, USAID Kosovo Climate Adapt dhe Raiffeisen Bank Kosova—për mbështetjen dhe bashkëpunimin e tyre të palëkundur në kthimin e këtij vizioni në realitet.
Së fundi, një falenderim i veçantë për vullnetarët dhe grupet e mahnitshme që na u bashkuan për ta bërë këtë projekt të suksesshëm. Së bashku, përveshëm mëngët, krijuam 13.500 toptha me fara dhe mbollëm farat e së nesërmes. Një falenderim të përzemërt për:
SHFMU "Mihal Grameno" - Aneksi 2 / Fushë-Kosovë
SHFMU Asim Vokshi, Prishtinë
SHFMU Zenel Hajdini, Prishtinë
CSR Network Kosova
Raiffeisen Bank Kosova
University of Pristina, Faculty of Agriculture and Veterinary
Kolegji Heimerer
Shkolla Mileniumi i Tretë
Kosovo Glass Recycling
NPL "Gjelbër"
Dhe, sigurisht, vullnetarët tanë të jashtëzakonshëm individualë dhe “Suzi”, që dhanë kohën dhe energjinë e tyre kësaj përpjekjeje.
Në SLK, ne besojmë se ndryshimi ndodh kur komunitetet bashkohen. Ky projekt nuk kishte të bënte vetëm me mbjelljen e pemëve – ai kishte të bënte me krijimin e qëndrueshmërisë, shpresës dhe ndjenjës së përgjegjësisë kolektive. Me çdo topth te farave të mbjellë, ne po krijojmë një trashëgimi për brezat e ardhshëm. Kjo është ajo që na shtyn përpara.
Rruga Përpara
Me 13,500 toptha farërash të shpërndarë, ne tashmë po përgatitemi për fazën tjetër. Monitorimi tremujor do të sigurojë që këto fara të rriten në një pyll të lulëzuar. Deri në vitin 2025, ne synojmë të mbulojmë 20 hektarë dhe jemi të ngazëllyer të mirëpresim më shumë ndryshimtarë gjatë rrugës.
Green Wings është më shumë se një projekt - është një lëvizje!
Bashkohuni me ne, qëndroni të përfshirë dhe le të rindërtojmë një Prishtinë më të gjelbër së bashku.
Ky projekt është bërë i mundur falë mbështetjes së popullit amerikan
përmes Agjencisë së Shteteve të Bashkuara për Zhvillim Ndërkombëtar (USAID). Përmbajtja është përgjegjësi e vetme e Sustainability Leadership Kosova dhe nuk pasqyron domosdoshmërisht pikëpamjet e USAID-it apo të Qeverisë së Shteteve të Bashkuara.
Comments