top of page
Search

SLK Përmbledhje 2022

Gjërsa përfundojmë një vit tjetër plot me aktivitete dhe projekte emocionuese, kemi kënaqësinë t'ju prezantojmë një përmbledhje të gjithë punës që kemi bërë në vitin 2022.


E filluam vitin me pjesën e dytë të programit Green Hub, një program i hartuar nga Sustainability Leadership Kosova (SLK) dhe i ofruar nga ekspertë profesionistë në Qëndrueshmëri dhe Ekoturizëm për NMVM-të në sektorin e turizmit në Kosovë. Ky program trajnimi i kushtoi vëmendje të veçantë këtyre temave kryesore:


Sfidat dhe tendencat globale, mundësitë dhe inovacionet në industrinë e turizmit - që përfshinin prirjet e njohurive dhe inovacionit dhe praktikat pozitive drejt ruajtjes së natyrës, zhvillimit ekonomik, fuqizimit të komunitetit dhe zhvillimit strategjik të ndërmarrjeve. Ne kemi mbështetur gjithashtu tema të tilla si dixhitalizimi, modelet e biznesit, marketingu dhe komunikimi, mundësitë financiare, ndikimi.


Përmes këtij programi, ne kemi trajnuar 51 NMVM të industrisë së turizmit, të ardhura nga 4 regjione të Kosovës (Mitrovica, Prishtina, Prizreni dhe Peja), kemi dhënë 28 grante për ndërhyrje të qëndrueshme në operacionet e tyre ditore dhe 16 certifikime crowdfunding për NMVM-të.



 

Në fillim të vitit 2022, SLK gjithashtu zhvilloi më tej partneritetin me Raiffeisen Bank në Kosovë. Nëpërmjet punëtorive tona, ne kemi punuar, bashkë-krijuar dhe reflektuar.

Ne kemi analizuar tendencat globale të qëndrueshmërisë, kemi eksploruar tendencat e sektorit financiar dhe mundësitë e qëndrueshmërisë, duke gërmuar në kontekstin lokal, udhëheqjen transformuese.


 

Pas vazhdimit të projektit MoseMerrMalin me Fondin e Zhvillimit të Komunitetit (CDF), SLK më 22 Prill - Dita e Tokës, nisi Fazën #2 të projektit me turneun #MoseMerrMalin.


Turneu përfshin punëtoritë të cilat mbulojnë tema të ndryshme që lidhen me fenomenin e shpyllëzimit, duke filluar nga ato të përgjithshme si kriza klimatike, ngrohja globale dhe shpyllëzimi. Turneu deri më tani u mbajt në rajonin e Mitrovicës dhe Prizrenit (Sharr). Më 24 Prill morëm pjesë në aksionin e mbjelljes së 450 pemëve të dhuruara nga Organizata e Bujqësisë Ushqimore në Kaçandoll të Shalës së Bajgorës së bashku me dhjetëra vullnetarë, në kuadër të aktiviteteve për Ditën e Tokës. Në Prizren bashkuam forcat me Eja n'Sharr Fest / GoTo Sharr Fest në rritjen e ndërgjegjësimit të qytetarëve për rëndësinë e pyjeve tona dhe rrezikun që u kanoset atyre. Në tetor publikuam raportin tonë për nivelet e shpyllëzimit në rajonin e Anamoravës nga viti 2000-2022 *(6 muajt e parë).

Përmes ngjarjeve tona të lançimit, ne mbajtëm prezantime mbi fushatën #MoseMerrMalin dhe analizën e hulumtimit të shpyllëzimit në Kosovë. Ne prezantuam rrugëtimin tonë dhe hapat që SLK, në bashkëpunim me partnerët kryesorë, kishte ndërmarrë për të arritur në fazën në të cilën jemi tani. Zotimi #MoseMerrMalin tashmë ka mbledhur më shumë se 75 nënshkrime nga i gjithë vendi, ku shumë prej nënshkruesve janë fytyra të famshme dhe publike në Kosovë.


Aktualisht SLK është në proces të planifikimit për Fazën #3 të projektit, i cili do të fokusohet në mënyrat inovative të pyllëzimit dhe mbrojtjes së pyjeve të Kosovës me partnerë kyç.


 

SLK ka qenë gjithashtu aktive jashtë vendit, ku në Algjeri ne kemi vazhduar punën tonë me Programin e së Ardhmes Rinore me Universitetin e Coventry duke angazhuar akademinë lokale dhe OJQ-të në iniciativat Leadership For Sustainability. Fokusi ynë është në zgjidhjet për mbetjet(waste) - duke eksploruar risitë lokale nga krijuesit lokalë të ndryshimeve.


Nëpërmjet këtij trajnimi me znj. Indira Kartallozi, ne jemi angazhuar me studiues, shkencëtarë, inxhinierë, studentë dhe aktivistë gjatë bootcamp-it 5 ditor për të hartuar zgjidhje për mbetjet. Universiteti i Oranit dhe Shkolla Ekonomike Oran na dhanë një hapësirë shumë mikpritëse dhe hapën dyert e tyre për bashkëpunim.



 

Në qershor, ekipi ynë mori pjesë në Programin SR-Net në Tiranë së bashku me partnerë të tjerë nga vendet e Ballkanit Perëndimor. Ky program njëjavor i bashkëpunimit rajonal mblodhi së bashku organizatat e shoqërisë civile nga Kosova, Shqipëria, Mali i Zi, Bosnja dhe Hercegovina dhe Kroacia për të diskutuar disa nga temat më të rëndësishme në qëndrueshmërinë dhe angazhimin e të rinjve në vendet tona. Temat që trajtuam ishin: Pjesëmarrja e të rinjve në procesin e vendimmarrjes; Sistemi i eksplorimit të skenarëve; EN- Roads - Stimulator for Climate Solutions, strategji për mbledhjen e fondeve; Arti në aktivizimin e të rinjve.


 

Së bashku me Fondacionin Global Shqiptarë, në korrik filluam fushatat për mbledhjen e fondeve në Facebook, Paypal dhe website për projektin MoseMerrMalin. Në mënyrë që ne të vazhdonim me lëvizjen #MoseMerrMalin, na duhej një stacion pune specifik përmes të cilit do të ishim në gjendje të përpunonim të dhënat e mbledhura përmes imazheve satelitore.


Pas fushatës së suksesshme trejavore për mbledhjen e fondeve, ne arritëm të mbledhim më shumë se 6000 euro, të cilat na ndihmuan të blinim pajisjet e stacionit të punës të nevojshme për vazhdimin e punës sonë.

 

Në misionin tonë për të nxitur përpjekjet e qëndrueshme në mesin e operacioneve të bizneseve në Kosovë, në tetor ne angazhuam katër profesionistë nga diaspora, me prapavija të ndryshme që mbulojnë sektorët e qëndrueshmërisë dhe mjedisit. Ata na u bashkuan në një vizitë studimore tre-ditore me bizneset vendore anembanë Kosovës.


Këto vizita u dhanë mundësi profesionistëve tanë të diasporës që të kuptojnë më shumë për strategjitë, qëllimet dhe funksionimin e biznesit të këtyre ndërmarrjeve dhe hapën dyert për bashkëpunim të mëtejshëm në të ardhmen.


Si një organizatë lidere në Qëndrueshmëri, ne kemi vendosur të fillojmë llogaritjen dhe deklarimin e ndikimit të organizatës sonë në projekte specifike. Kjo do të na ndihmojë të kuptojmë dhe planifikojmë më mirë reduktimin e ndikimit tonë negativ, dhe të na ndihmoj në luftën drejtë angazhimit global për objektivat Net Zero.

Gjatë vizitave tona studimore treditore në rajonin e Prishtinës, Mitrovicës dhe Gjakovës, stafi i SLK-së, së bashku me profesionistët tanë nga diaspora që kanë udhëtuar në Kosovë për të qenë pjesë e vizitave, kanë gjeneruar emetime të CO2 që kemi llogaritur të jetë respektivisht 2,914,5 kg CO2e ose 2,91 t CO2e për të gjitha udhëtimet e përbashkëta me avion, tren, makinë dhe autobus.



 

Me 7 Nëntor, ishte kënaqësia jonë të bëheshim partnerët e fundit të Komunës së Prishtinës në rrugëtimin drejt tranzicionit të gjelbër të qytetit tonë përmes Memorandumit tonë të Mirëkuptimit.


U takuam me z. Perparim Rama, kryetarin e Komunës së Prishtinës, me të cilin ndamë idetë dhe synimet e përbashkëta për rritjen e hapësirave të gjelbra në Prishtinë.


 

Nëpërmjet bashkëpunimit dhe financimit të Zyrës së Presidencës, ne kemi zhvilluar Projektin Ecoville, një projekt i cili bashkon nxënësit e klasave 6-7 për të mësuar më shumë rreth ndryshimeve klimatike, ngrohjes globale, ndikimit të njeriut në mjedis, ekosistemet dhe biodiversitetin.


Punëtoritë janë një kombinim i leksioneve edukative, bisedave me studentë, artit dhe lojërave. Dy punëtoritë e para u organizuan në Fushë Kosovë dhe Prishtinë.


 

Në nëntor, Sustainability Leadership Kosova lansoi projektin e ardhshëm "Youth for Zero Waste", i mundësuar nga UNMIK-u, në ambientet e Bibliotekës Kombëtare të Kosovës, me pjesëmarrës nga ndërmarrje, organizata, institucione dhe aktivistë vendas.


Gjatë kësaj ngjarjeje kemi prezantuar projektin “Youth for Zero Waste”, i cili do të zhvillohet në zonat e Prizrenit dhe Mitrovicës dhe do të përfshijë të rinj nga komunitete të ndryshme etnike në Kosovë.


 

Në dhjetor, Sustainability Leadership Kosova nënshkroi një Marrëveshje Sponsorizimi me Front L.L.C., një përpunues kryesor vendor i materialeve interiore dhe eksteriore. Z. Jeton Veseli, pronari i kompanisë është i vendosur të bëjë Front L.L.C. një kompani pioniere në aplikimin e praktikave të qëndrueshme në vendin tonë.


Përmes këtij sponsorizimi, SLK do të mbështes vazhdimin e projektit “Youth For Zero Waste”.


1 view0 comments
bottom of page